衛詩(Jill)於09年喺日本因為藏毒一事，星途盡毀，當時舊公司A music即時同Jill解約。事隔4年，Jill近年有咗宗教信仰，同埋成功戒毒。
離開娛圈嘅Jill近期喺Instagram不時上載生活照，仲見到佢同近期被曝性史嘅張致恒（Steven）嘅合照，相中仲見到Jill經常素顏自拍，不過講真真係有啲嚇親，冇眉、黑眼圈、面黃...唔講以為佢又病咗。
相比之下，家姐Janice就靚得多喇，不過有啲網民反而鍾意佢素顏嘅style，大讚佢夠自然。自然就自然，不過都係休息多啲，Keep吓個樣先啦！如果唔係，分分鐘行出街「翻版衛蘭／衛詩」盧宛茵都唔認得你㗎！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！