【盡心盡力】
縱橫歌壇半世紀的葉振棠，在今次高級視聽展推出他首張發燒天碟《這首歌》；葉振棠表示，用上一年時間錄製這張碟，單是錄音線材已過百萬元，並用盡心力唱好每首歌，一方面希望給樂迷全新感受，也為自己人生留下美好回憶。
「忘盡心中情，遺下愛與癡……」、「一個風雪晚上，我失方向……」，記者試聽葉振棠首張發燒天碟，聲音真摯，帶有回音，顯得蕩氣回腸。葉振棠解釋說，這兩首經典名曲《忘盡心中情》及《笛子姑娘》，是教堂即場錄音，「所以有天然嘅回音聲，需要係一口氣唱晒成首咁錄製，而唔係好似錄音室咁一段段錄」。
葉振棠說，過去灌錄了數十張碟，從未做過發燒天碟，今次與風行唱片合作，推出第一張發燒天碟：「一般碟做三個月，呢張做咗成年，希望做到最好。」
他說，今次選曲花了不了心機，如梅艷芳的《抱緊眼前人》，首次由男人唱，另有一番味道。《滄海一聲笑》紀念已故黃霑，「我自己唱咗12個和音，好澎湃」。《天籟之末日傳說》則搖身變成的士高版本，帶出環保意識。
《蘋果》記者
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24