「地球人都知道，興記生果平靚正」。深水埗桂林街這間門前張掛着浮誇標語的生果店，未必人人都知道。但連同北河街市政大廈在內的北河街鮮活食品市集，肯定是全港最受歡迎街市之一。街市檔販說，遠自天水圍與東涌的主婦，都會來這裏買餸。
「呢度夠集中，人流多，天水圍、將軍澳同東涌居民都來買餸」。北河街街市家樂菜檔檔主譚先生在這裏經營10年，生意甚好，銷量大，向供應商訂貨多，批發價可更低，零售價便可下調，競爭力大增。他指北河街街市餸菜夠平，吸引大量區外主婦幫襯。
蔬菜每斤平2至3元
北河街街市檔販，很多是90年代北河街街邊排檔被遷拆後安置過來。賣冰鮮雞的永生隆檔主何先生大讚北河街街市全港至正：「呢度越整越旺，死舖都變旺舖。」他認為最大優點是樓底高、夠闊落，可容納較多人。
何以蔬菜為例，北河街街市價錢平均比旺角區每斤平2至3元。他的熟客遍佈荃灣、青衣和沙田，很多是駕車過來買雞的中產主婦。
思網絡09年為深水埗區議會研究街市，該組織總監鄭敏華指，北河街街市成功之道，在於大樓緊貼行人活動熱點，附近多店舖，正好凸出深水埗購物平靚正的地區形象。「呢度規模大、多嘢賣，個個檔主都好自豪咁話佢哋係全港最平，形成近乎經濟學上嘅完美市場」。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24