呢期最威都係張智霖（Chilam）啦！憑無綫劇《衝上雲霄II》嘅Cool魔，扯高收視之餘，無綫同蕭定一都話要搵佢拍《衝上雲霄》電影版。其實早喺十幾年前，Chilam喺《十月初五的月光》飾演初哥哥一樣hit到爆，當年佢仲同螢幕拍檔佘詩曼傳埋緋聞，搞到靚靚袁詠儀要親自監場㖭！
話說00年，Chilam同阿佘喺《十》劇飾演一對，之後添食拍電影《跑馬地的月光》，咁啱當時靚靚喺內地拍緊劇，先有傳Chilam同阿佘撻着。雖然靚靚強調百分百信男友（當時未結婚），但身邊人就踢爆佢一返香港就踩上片場監場，仲喺電台訪問入面發表恨嫁宣言！點解咁着緊？除咗因為Chilam係筍盤外，當年鐵板神算董慕節幫佢哋批命，話佢兩個30歲前結唔成婚就會分。結果，Chilam同靚靚真係喺01年2月註冊，趕得切30歲前拉埋天窗。
睇嚟Chilam都係命犯桃花，唔知今次《衝II》會唔會例外呢？
撰文：阿Wow
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24