在豉油街與西洋菜街交界，有早在6年前扎根的街舞地膽，65歲的花姐，是地膽也是街舞界中堅分子。在街上，尋的是十年來有碇去的快樂。
十年前花姐55歲，已經逢周六在荃灣的停車場，與眾街坊一起唱「姚蘇蓉鄧麗君」。當年的師奶阿伯三叔公，個個摷出飲衫，踩住拖鞋夜聚，勁姣勁過癮。政府迫遷，花姐與街坊們輾轉到西鐵公園、屯門到沙田。據點一個個消失，相隨舞者也漸散落，直到6年前落戶西洋菜街。
由台灣姚蘇蓉變成Disco勁歌：「現在整條街好多人唱歌，又音響又大喇叭，我唱歌不夠他們大聲，就不唱了，淨跳舞。我哋喺荃灣跳Cha Cha，喺呢邊要跳Disco，勁啲先有人睇。」大家一定記得張伯面無表情，但成個鐘不休息的機械舞；醫生讓鄧小姐多做運動，她就執着艷色絲巾來跳絲帶舞；閃亮姐妹花笠起爆炸頭與黑超，迷你裙上的流蘇飄呀飄，執着捲滿聖誕裝飾的球拍扮結他，似兩個詹瑞文。路人個個側目，呆笑，跟住影相。佢哋笑你騎呢喎花姐！花姐理直氣壯：「開心人哋先來睇嘛，唔開心人哋睇來做乜？」
【動主播召喚 敢你就來】
立即報名： http://anchor.nextmedia.com