唔知幾時開始，經營港九新界商場好似有條必勝formula，總有超人諗住賣的超市、純官的金舖、美心系酒樓、莎莎（178）和熟口熟面的服裝品牌，如果唔係每個商場裝修有別，真係唔會知道自己究竟喺邊。
當然，這一切不是為港人打造的，大家又點會失驚無神落樓買金？
10年自由行，小本涼茶舖到健康工房，小本美容院到悅榕莊，小本麵包舖到美心，Samantha到𠵱家還未接受到素顏踢拖落街，駭然見到一線名店咁crazy。
新地（016）在屯門站打造的自由行購物點V city昨開幕，商場將會有500班過境穿梭巴士接載內地客。
這景況令Samantha諗起澳門發財巴，假以時日在深圳會唔會見到有位靚女揸住個牌，唔係問你過唔過大海，而是問你有冇興趣來香港商場「反」吓？
不得不承認，新地近年apm、大埔超級城以至上水廣場呢類偏場都可化腐朽為神奇，加埋新場越開越多，以量取勝。
思歪打壓樓市下，旗下本港租賃收入所佔的比重已追貼賣樓，下次炒「自由行」概念記得要諗埋新地！
Samantha
本欄逢周一、三、五刊出
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24