正邪從來難分界，商業片和藝術片一樣。先入為主，王家衛的電影從來都定性為藝術片，就算近作《一代宗師》已深入淺出從商業構想埋手，但觀眾的喜惡仍然兩極化。肥佬黎一向在商言商，認為電影是一盤生意，對於五、六年才拍成一部電影甚不認同。言下之意，肥佬黎就算有朝一日投資拍片，都會商業掛帥。另一方面，彭浩翔和杜汶澤也肯定王家衛不會要肥佬黎的錢，何解？昨晚播出的《亂噏24》有答案。《亂噏24》逢周四晚上11時播出，錯過了也可到http://bit.ly/appletalk24重溫。
還有，肥佬黎原來對扮黑社會好有心得，還即場示範掟筷子！
撰文：何永寧、Sidekick
關係好戲份自然多
當女演員這麼聽話時，蔡瀾就爆料說：「咁樣好多演員呢，令你好鬼鍾意佢，令你劇本改晒畀佢做，有人有呢啲本事。」阿澤一語道破：「好直接，因為呢個世界最好嘅關係，就係性關係！」肥佬黎覺得不只是性，他說：「我覺得呢個感情㗎啦。」所謂親疏有別，演員跟導演關係好，真的可能令戲份增多，彭浩翔身為導演，覺得這是人之常情。蔡瀾補充：「我哋分析過如果我哋拍《一代宗師》，個劇本我冇可能畀宮二有咁多戲，我一定畀一代宗師多啲，咁我合作過嘅導演都好多，本來唔係愛情片，結果變咗質。」
怪不得坊間不少人覺得《一代宗師》，宮二的戲份又多又好看，原來如此！
另外，四人一致認同美國娛樂事業是一個氣候，是一種為國家賺錢的工業。倘若沒有嚴謹紀律，老闆硬將女友捧成電影女主角，只屬山寨程度。目前內地雖有條件擺脫山寨格局，但時機還未成熟。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24