向彭浩翔自薦演黑幫
講完投資，肥佬黎還即興演一幕戲！他向導演彭浩翔稱下部戲有黑社會角色的話，要預他演出，他說：「我好好奇，有啲導演叫你，你隻手點郁，你個面點擺，隻眼點郁都教埋你，有啲淨係啟發你。」彭浩翔自言為後者，蔡瀾稱李翰祥導演會演出來給演員參考，無論是男角或女角。這時肥佬黎又嚟料：「頭先我問呢個問題就係我想像我係演員，我𠵱家做黑社會大佬，我入晒戲，我一去到演出，一去到齣戲開拍我成個人入晒戲，X我返屋企都咁X樣嘞（掟筷子），你話導演教我點樣郁，我做唔到喎，我喺戲裏面喎！你個導演喺戲外面喎，如果你要教我，教唔到我㗎。」
彭導、阿澤見到肥佬黎掟筷子，處變不驚，繼續引導這名「演員」，提議他不如掟埋杯。嘩！咪玩啦！原來他們平時是這樣引導演員的，又示範如何引導女演員將頭髮撥後，無謂遮掩好身材，阿澤說：「你唔好咁同佢講，你話頭髮好似好亂喎，整整佢，唔係喎都唔係好得喎，再整，都唔得喎，唉撥去後邊啦，咁咪唔會遮住個波囉！」女演員都是這樣豁出去的！
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24