梁粉兵終於再有人辭職，可惜不是一而再被揭發涉及利益衝突的「謬波」，而是捲入偷步賣樓風波、休假已九個月的行政會議非官守成員奮強，他已是繼張震遠之後，第二個辭任的非官守行政會議成員，之前有人批評梁粉打雜牌軍，所言非虛。不過比較「謬波」的利益衝突，林生所犯的真係小巫見大巫，只堪與當日梁財爺涉偷步買車相提並論。
一旦為官者身不潔且不自愛，已失盡民心信任，理應早早下台，可惜有偽首力撐背書，仲要話旗下官員已經符合晒申報機制的要求，只差沒有「高尚情操」的註腳，一拖就九個月，比起梁財爺當日的折騰還多上一倍時間。怎會不教人猜想，今次不過只是鼓動「謬波」自我解決的苦肉計。
林生因為被揭發在政府去年首度開徵15%的外地買家印花稅前一個月內，先後沽售兩個物業，獲利千萬港元。他當時仲強調，對政府出招毫不知情，但他解畫過程前後矛盾。
最初係話與經紀定好價錢放售單位，若果經紀找到價錢較高的買家，額外利潤會歸代理，此說法一出，已被質疑等同非法給予額外回佣，觸犯《防止賄賂條例》及《地產代理條例》，仲有機會害了代理，以為他食咗公司夾棍。
俾人夾擊之下，他才改口稱，賣樓得來的額外利潤，其實是捐給一個慈善基金，不過，該基金發表聲明，指基金一向拒絕客戶直接捐款……
為了平息民憤，林先生最後將物業所賺取的利潤差額捐予一個環保慈善團體。但多個政黨向廉政公署報案，懷疑林奮強以權謀私，同樣地，林生解釋前言不對後語，一時一樣，當然又係因為由太太負責處理交易。
林先生的辭職原因都係話因為唔想家人受到騷擾，所以決定辭職，真是「家是香港」的人辦。然卻始終沒有因為涉嫌偷步賣樓引起公眾疑慮而道歉，當然佢亦都堅持自己沒有錯，不認錯、不道歉、由家人頂包彷彿已成為應屆政府當然之舉。
市民想邊個出局 呼之欲出
睇見林生今日下場，「謬波」唔知會否有他朝君體也相同之感，皆因建制派幫拖之議員少之有少，范太拋出一句我有不少朋友對特區政府存疑，陳智思更指事件發展至今，「謬波」是否要下台，要視乎他如何取回市民的信心及支持，更指他領導的東北發展計劃都難以推行下去。
至於民望高企的曾主席上星期已經促請佢解釋，仲話佢啲解釋「俾人認為係擠牙膏」，雖然「謬波」自己且話主席唔係咁講喎。而主席還要落井下石再說從政者要「食得鹹魚抵得渴」，即指從政者，必須要接受市民對他的言行有嚴謹一套的要求，暗示有此田地實在是自作自受。
至於「塔斯佗陷阱」，更成全民通識，暗指再下去，香港政府只會變成說任何話都會被當成是假話，亦即「民無信不立」。
張震遠、林奮強之後，下一個……相信最多人都想踢那個「謬波」出局。
盧先亞
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24