一將功成萬骨枯
電影的藝術與商業，從來都是圈中一大課題，如果有導演誇口兩者並重，捧着錢的投資者一定多過來港的自由行。電影老行尊蔡瀾稱做監製難處之一，是如何為電影定界：「我覺得最唔開心係，你覺得電影係真正個人呢，定係大家？電影係商業定藝術？呢啲係我唔開心地方。我哋做監製，一定攞到好大嚿錢，我就開始做。做咗以後，可唔可以賺番呢嚿錢畀老闆呢？」
在商言商的肥佬黎強調賺錢的重要性：「梗係要啦！」那麼，世上有沒有商業與藝術並重的電影？蔡瀾所舉的例子都是外國片例如《北非諜影》（Casablanca）、《金玉盟》（An Affair To Remember）或《齊瓦哥醫生》（Doctor Zhivago），難道月亮真是外國的圓？那香港呢？肥佬黎問：「我哋個王家衛算唔算？」蔡瀾繼續發揮不慍不火本色說：「呢個就係我講嘅另一個問題，呢個電影係王家衛電影，定係成班人嘅電影？如果係佢嘅電影，但冇其他人，有冇佢？」一部王家衛電影，動輒要拍五、六年，在他的成功背後，有幾多人在半途不夠工作、生活潦倒而「犧牲」了？蔡San語重心長：「成為王家衛之前，你會死好多人。」當真一將功成萬骨枯。
肥佬黎開始點評王家衛，他說：「我唔係電影界，但我睇佢咁拍片，我好肯定呢樣嘢。王家衛呢個人係非常之自私。可能，一個藝術家係需要咁自私。」這時候阿澤再次開口，認為這個世界「只有強姦，沒有焗賭」這回事，阿澤說：「亦要佩服佢嘅，搵到佢哋呢班人喺我哋隔籬。」彭浩翔解釋邊拍邊改本身沒有錯，問題是有沒有錢埋尾。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24