香港航空最近似乎事端多多，先爆出因為航機延誤，有內地客「怒打」地勤，最後警員接報到場拘捕四名滋事內地男女。跟住前日忽然爆出，香港航空安排員工學詠春拳，令人質疑究竟係咪………咁嘅情節，如果可以加埋入《衝上雲霄II》裡面嘅話，應該好睇過又玩尋親橋嘅。
不過，港航已經喺官方微博，澄清咗關於要員工學咏春一事。港航話，早於2011年5月已安排每一位機艙服務員必修科，目的係希望能夠強身健體、堅強意志，同最近發生嘅事無關，亦澄清從未發表過「香港航空工作人員平均每周受到乘客攻擊三次」等類似數據。
除咗澄清學詠春事件，港航官方微博仲幫Captain Cool澄清。事緣除咗有觀眾批評吳卓羲英文唔正之外，Captain Cool張智霖原來都備受批評，指佢英文咬字如「Three」、「Zero」讀得唔正。港航官方微博就解釋 :「其實飛行員在通過無線電溝通時，經常會有信號失真或衰落，很容易誤聽，所以某些發音就和我們習慣的不同，除了像Cool魔一樣把3讀為TREE外，0念ZE-RO，4念FOW-ER，5讀『faif』，8念AIT，9發NIN-ER···來，跟著Captain Cool一起念:『TREE ONE ONE!』」
有時煲劇真係可以吸收好多新知識。所以編審同監製嘅把關係好重要㗎。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂㤔24》？蘋果網站動Live預埋你。
http://bit.ly/appletalk24