儲局議息會議結束，將經濟前景預測，由溫和改為適度，似在暗示未有退市籌碼，10年期美國債息迅即回落至2.6厘樓下，有助環球股市回穩。另一邊廂，阿爺亦有連環好消息，包括官方7月製造業PMI企穩盛衰線上，以及人行進行周內第二次逆回購。最重要嘅消息，係總理李克強喺國務院常務會議，提出六大重點任務，加強城市基礎設施建設，這個穩增長嘅姿態，比任何消息都來得堅實，無怪乎A股以接近全日高位收市。
港股兩個月來首度企穩22000點收市，成交雖不足500億銀，從好嘅角度睇，即係散戶仍未入場，有利後市再挾。國務院六大重點任務中，包括加強地鐵、輕軌等大容量公共交通系統建設，主打交通基建技術解決方案嘅中國智能交通（1900），可謂食到應一應。
集團去年多賺16.8%至1.3億人仔，成功扭轉中期倒退64%局面，明顯走出高鐵負面消息陰霾，低基數效應下，今年有望出現爆炸性增長。彭博綜合券商預測，今年預測市盈率15倍，與過去三年平均數相若，但行業已揭開新一頁，估值理應提高，噚日一支大陽燭，話唔定只係升浪嘅開始。
唐牛
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24