明星效應遠勝導演
各行各業都有不足為外人道的辛酸，電影業也不例外。肥佬黎問：「覺得電影呢個行業最難受係乜嘢？」一般人都會猜不外是工作不定時、成敗難以預料、人際關係複雜吧！杜汶澤的答案卻是這一個：「我覺得譬如傳媒、報紙都好興有種講法，話今次導演揀咗呢個演員嚟拍。」但這有甚麼問題？阿澤補充：「因為全部都係大話咁滯！九成係有呢個演員先開到呢部戲。大部份導演，冇咗個男主角，佢根本冇得撈！唔好話投資多定少，連開都開唔成。美國都係咁啦，梗係明星掛帥，如果有Tom Cruise喺度，你估導演名喺邊？（指在電影海報找）你搵到我話你叻！」
不過不如意事十常八九，莫道你在選擇人，人亦能選擇你。阿澤說：「王家衛話齋，男人到四十歲要做有把握嘅事。」肥佬黎覺得王家衛亂噏廿四，還是阿澤這句精警：「未必有把握成功，但起碼有把握開心。」其實不只演戲，做人也該如此。
下集預告：阿澤黑面
飯局一開始就說杜汶澤假，叫他改掉擦鞋陋習的肥佬黎，會繼續狙擊阿澤，要他自白做人演戲孰真孰假的問題。你以為好假的阿澤，竟然被肥佬黎逼到真黑面！想知，請收看下星期的《亂噏24》！
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24