「王家衛唔要你啲錢」
不過未拍過電影的肥佬黎始終不認同兩位圈內人意見，並提出航海圖這概念：「你邊拍邊編，你都要有個目標，你齣戲係點樣。嗱，我講個例子，我細個偷渡嚟香港，游水冇map嘛，但喺個天上面，香港係唯一整個中國有燈有光嘅地方，其他整個天係黑嘅，你咪向住光嗰度游囉！但過程有人捉你有人拉你，你要一路去避，即try and error，但去到尾，你要望住光嗰度游。」
目標和方向真的很重要。「一個電影一樣，你要有主題，有個vision，我部戲主題喺邊度，細節就可以try and error。」發明《動新聞》的肥佬黎諗諗吓，講埋粗口教王家衛點拍：「我唔識電影我亂X咁噏，先用動畫做咗個試片。你王家衛有乜嘢改，好，我做咗個動畫喺電腦前面，我同你整個試片出嚟，即係好rough嘅一個電影。咁樣第一，時間快好多。第二，平好多。我估500萬點都做到，而且你可以喺度改到七彩，乜嘢效果劇情都有齊。好嘞，拍，X你老X，兩個月拍到出嚟。」話口未完，杜汶澤、彭浩翔，甚至蔡瀾都不斷重複：「佢（王家衛）唔會要你啲錢！」倒也是，肯這樣做就不是王家衛了！
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24