雖則被狼英金主陳啟宗打成「大罪人」咋喎，但鬍鬚曾依然好有佢嘅lifestyle，繼續「越做越興奮」。查實番書仔性格嘅鬍鬚曾，向來同梁粉唔多啱key，咁又係，港英時代出身嘅精英，唔通會同Losers Club嘅成員有偈傾咩？政界最近熱傳一則鬍鬚曾唔like吳得掂嘅真人真事，爆笑到暈！
飯堂阿姐不知儉儉是誰
話說有日鬍鬚曾同班傳媒朋友喺政府總部canteen開餐，同枱有記者望向遠處排隊攞嘢食條友話：「吖，嗰個係咪吳得掂呢？」鬍鬚曾一望，即刻發揮幽默本色，笑騎騎話：「嗰邊個閃光咪係囉！」乜嘢係閃光？望吓地中海人士就知㗎嘞！
吳得掂攞完飯，見到鬍鬚曾同記者吹水，亦主動趨前social，點知呢，吳得掂嘅熱情，似乎唔及得鬍鬚曾眼前嘅菜式咁吸引，據聞鬍鬚曾都冇騷吳得掂，禮貌Hi完一聲就專注食飯，搞到吳得掂相當冇癮！
而喺吳得掂咁尷尬嘅一刻，一位路人甲，掀起故事高潮。說話此時，咁啱有阿姐要上菜喎，而佢完全唔知道，眼前阻住佢上菜嘅仁兄，正正係特區嘅教育局局長囉，所以大大聲聲嗌：「阿叔，唔該借過！」大家可以想像到，吳得掂面上當時嗰滴汗，到底有幾大粒啦。
有政界中人同八方分享完呢個故事，笑笑口話鬍鬚曾向來都係真性情，劇情發展都好合邏輯，反而路人甲呢個角色，真係意外驚喜，政界中認為，吳得掂要「反省」吓，點解人氣低到連飯堂阿姐都不知道他是誰！
mailto:[email protected]
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24