投資大師東尼（Tony Measor）為《壹週刊》寫〈天下第一倉〉十幾年，2010年底因中風而停寫。Measor嘅寶號好快又出來㗎喇，事關佢寶貝女Mara Measor，將於今個月中推出創作大碟。
上YouTube搵到Mara Measor幾首歌嘅MV，估唔到佢除咗樣子甜美，把聲亦好靚，兩首充滿騷靈味道嘅英文歌，一聽令人有耳仔搔癢嘅感覺。
Mara喺紐約讀書時，俾音樂人Jamie Lawrence發掘去做創作歌手。唔好似為有位投資大師爸爸，佢就生活無憂，原來佢之前要做劇院接待員同保姆幫補生活費，最近先決定全職做音樂。
早兩個月，Mara曾經返港表演，順道探爸爸。嚟緊就有兩首歌關於東尼，講佢對爸爸嘅感情，可惜暫時未上載YouTube。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange