【中環歌賦街】才子陶傑執導嘅情慾新戲《愛．尋．迷》連日嚟都開工拍攝，聽聞會喺戲中大解放嘅女主角Mandy Lieu，繼日前着住性感泳衣拍戲之外，前晚大約9點幾，佢又喺中環歌賦街一間畫廊取景拍攝。問到劇情講乜？陶傑話：「今晚教大家一個高級媾女法，男仔其實可以帶女仔去啲gallery睇畫，有氣氛下可以攬住錫，唔猴擒又唔猥褻。」係咪自己嘅媾女絕招？陶傑話唔係，只係同大家交流吓。而Mandy就同男角喺畫廊度攬攬錫錫，鬼咁親密。
採訪、攝影：黃曉程、李志明
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！