人民力量譚香文前排去咗廉署同香港會計師公會，投訴陳謬波囤地，仲獲廉署回覆立案調查。但佢仲未夠喉，噚日踩埋上破產管理署同稅務局投訴，質疑謬波嘅舅仔許嘉麟06年先解除破產令，短短6、7年間，何來270萬蚊買國萬股份呢？當中會唔會涉及洗黑錢、地下錢莊呢？所以希望相關當局查一查。
08年立法會選舉後，喺會計界輸咗俾謬波嘅譚香文，繼而捲入賄選事件，而謬波嘅愛徒林智遠，當年有份出庭頂證譚香文㗎。雖然譚香文最終冇事，但有人覺得佢今次或者係乘機報仇，譚香文堅稱只係「行公義」箒，佢遲吓可能仲會去埋申訴專員投訴，繼續落力「狙」波。
【動主播召喚敢你就來】
立即報名： http://anchor.nextmedia.com