貴價茶餐廳翠華（1314）太子爺李祉鍵（Kenji），舊年底同女友Vivian拉埋天窗，土地註冊處最新資料顯示，Kenji剛斥3,148萬元，買入何文田布力架街34L號頂樓豪宅，唔知係收租還是做愛巢呢?
據講，呢個地段嘅盤源唔多。Kenji買入呢個單位實用面積1,496平方呎，即平均呎價2.1萬元，都算係大手筆。原業主就喺2008年，用1,830萬元買入呢個單位，持貨5年幾，轉手賬面賺1,318萬元，物業升值逾一倍。
Kenji𠵱家幫阿爸李遠康打理茶餐廳，係翠華項目發展主管。翠華上市大半年，股價累升近九成，李遠康所持翠華股份，噚日市值16億元，又收逾千萬元股息，阿仔幾千萬買豪宅變得濕濕碎啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange