【本報訊】證監會昨就配股後、投資者正式取得股份前非法沽空發出警告，重申投資者及中介人如在配售完成前出售配售股份，可能會因非法沽空遭刑事檢控。有投行人士相信，相關警告不會令大型機構投資者偷步沽貨的情況減少，只會對較細規模的機構有阻嚇作用。
該投行人士指由他入行開始，配股後未取得股份已沽空是一個「常態」，皆因條例無清楚寫明。他說：「舉例講，一間公司喺周一停牌配股，攞到貨嘅投資者，大約喺周一夜晚、又或者周二開市前就知道自己攞唔攞到貨，所以好多人都會喺周二就沽空，雖則因為T+2（完成交易後兩日、即周三），當時佢手上係無貨嘅。」
業界指難杜絕
他續稱︰「雖然大家都知咁做係走緊灰色地帶，但咁多年嚟都無風無浪，所以好多大型嘅投資機構，特別係對沖基金都係咁做……我估日後會收斂啲，但唔會杜絕到。」
證監指在近期調查發現，市場對於在配售完成前出售配售股份做法存在一些誤解，故發出關警告。
根據《證券及期貨條例》，非法沽空屬刑事罪行，一經定罪，最高罰款為10萬元及監禁兩年。
【動主播召喚敢你就來】
立即報名： http://anchor.nextmedia.com