當大家都以為政壇會喺暑假稍為休戰，點知陳謬波囤地醜聞，搞到成個政府都為咗一個人而冇得唞唞，但狠批狼振英「冇料到」嘅自由黨黨魁田北俊，竟然喺呢件事上收咗聲，何解呢？唔好誤會，田少唔係新世界，唔會突然轉軚做新世界仔，原來佢去咗度假，遠離香港是非地。
田少今次同佢嘅乖孫去咗夏威夷，遊覽當地嘅海洋生物公園，仲餵生菜俾海龜食，睇佢親親海龜嗰張相，就知佢幾咁寫意啦，唔怪得呢排記者想搵佢評價陳謬波醜聞，佢都冇覆機啦，似乎想叉足電後返香港再作戰。自由黨上次喺張震遠商交所單醜聞咬住唔放，田少返港後會唔會再啟動重炮機？大家拭目以待。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24