香港電視發唔發到牌仲係未知之數，但係陳啟泰之前高調撐多發電視牌，搞到佢老細王征好不滿，噚日陳啟泰喺大埔亞視總台錄影佢主持嘅節目《亞姐百人II》，講到佢同亞視嘅合約9月就約滿，佢話都同公司傾緊續約，但就要睇吓有冇多啲節目開，係佢首要考慮條件，多過加佢人工。至於有冇搞到老闆唔高興，就連台慶都唔畀佢做司儀，佢話：「唔係乜嘢問題，冇呢方面嘅考慮，工作上唔覺得有影響。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！