港台節目《七百萬人的先鋒》上年度推出第一輯後，打入港台網站點擊榜十大，反應咁好梗係要添食。「眾人媽打」李麗娟繼續同資深傳媒人區家麟喺新一輯拍住上，但今次唔再訪問巾幗先鋒，改為訪問傑出男士，搵嚟唔同界別男士分享人生故事。政圈有「Bill王」之稱嘅前行會召集人夏佳理、政壇元老「大Sir」鍾士元同首位華人最高法院首席大法官楊鐵樑等，藝術界有榮念曾、作家劉以鬯亦榜上有名，真係粒粒皆星。節目8月10號起逢周六晚10點20分喺港台一台播放。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange