【本報訊】為跨性別人士帶來劃時代轉變的W小姐本來是天主教徒，審訊期間內心時有掙扎，經常自問是否違反天主旨意，內心痛苦，一度想過尋死，最終在小眾教會牧師陪伴下走過艱苦日子；該牧師認為，教會不應以聖經的舊有看法，否定跨性別人士的需要。天主教會則認為，跨性別人士婚姻貶低了人性，長遠令人類絕後。
在訴訟期間陪伴W小姐的牧師黃國堯指，一般傳統教會不贊同跨性別，「着到所謂男唔男、女唔女咁，返教會點都有啲唔好眼光，甚至唔想你出現，畀啲麻煩你，令你好難生存」。他指W本身是天主教徒，性格害羞，「佢教會又好難接受佢，佢成日問一樣嘢：『我咁做係咪符合上帝意思』」？
高院敗訴時，W開始猶豫，一度想尋死，「佢問我應唔應該打落去，如果都輸咗，點樣面對自己嘅生存，質疑自己違反咗天主嘅意思，『我輸埋，即係證明我係唔啱，會推冧我成個人，係咪我一開始變性就係錯？就係違反天主意思？係咪天主唔愛我，唔悅納我』」？
他指W勝訴後，香港的教會回應正面，不少傳統基督教會邀請跨性別資源中心的代表分享。本身屬於基恩之家的黃國堯解釋，聖經內談及跨性別人士的章節不多，其中《利未記》提到男人不要穿女服，「但呢種講法係幾千年前，我哋唔能夠一直用聖經過去嘅睇法，否定跨性別人士嘅需要」。
天主教會：人類會絕後
天主教香港教區婚姻與家庭牧民委員會執行秘書賴煜清則指，教會認為與生俱來的性別極為重要，透過男女性器官結合才有生育的可能，婚外性行為、人工受孕等，均貶低了人性尊嚴，「天主創造一男一女，畀個性別佢，係讓佢生育繁殖，變性人無生育器官，長遠嚟講，人類咪會絕後囉，你話人工受孕，但教會認為性行為係好高貴，不能被代替」。
他指教會認為個人權利不是毫無限制，「唔係自己鍾意就得，要考慮對整個社會嘅影響。」他否認教會是「宗教霸權」，從無強行把教會價值觀加諸大眾身上，但指法院的說法「怪怪哋」，「用咁既語氣代表成個社會去講，佢係咪做過調查呢？問過啲人呢」？
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24 用咁嘅語氣代表成個社會去講，佢係咪做過調查呢？問過啲人呢」？