718萬一部大牛你未必玩得起！咁$4,800一部大牛模型又如何？當強國師奶都知港牌人型Figure做得靚、有得炒，原來港版靚車模型，同樣以獨門技術走在世界最前。
這部港牌Fronti-Art出品的1:18小林寶，精巧得有點真假難辨！原來普遍樹脂製作的模型，都比金屬製的精巧細緻得多，但其剛性不足卻難以製作開門、開蓋等效果；而Fronti-Art卻研發出獨門秘技，製作全球獨家的樹脂全開模型車，令眼前這部小林寶在好睇之餘，更添真實感及一點玩味。官方話每部車大約有200多件零件，全人手製作，約一千多個工序，製作需時一星期，難怪仿真度咁高。
贏在細節 林寶人都讚
欣賞眼前的小車，每一部份都細緻非常，就如前後開蓋的油壓裝置都跟足原車，連內櫳的小小紅色引擎開關掣亦一絲不茍，難怪連隨行拍攝的林寶堅尼市場部的Tiff都Like：「我特別欣賞細節位，除了跟我們的Aventador Roadster一樣，襯番黑白色Seat位，就連座椅上的車線位都做埋，真係非常細緻！」
最新Aston Martin 新車陸續有嚟！
除了代表作全開林寶堅尼Aventador，品牌其實不停製作各路授權名車，例如剛推出、另一全開版Aston Martin One 77。品牌亦推出較平價的半仿系列（不能開蓋及車門），緊接而來有Aston Martin DB9、Tuatara SSC、Mazzanti Evantra，及 GTA Spano等。
查詢：Model's Pro（2782 3982）
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24