【寒市往績】
恒隆地產（101）主席陳啟宗發表香港樓市寒冬論，更指恒隆非常鍾意寒冬，想「擁抱熊市」出手買地。本報翻查恒隆過去的「寒戰」紀錄，由2000年寒冬買入項目至今仍有近1,400個單位未出售套現，賬面勁賺但其實「仲有好多錢未落袋」。
香港樓市自97高𥧌後急跌逾70%，恒隆之後不斷在低位投地，於2000年以恒隆地產前身淘大置業成功投得九龍站上蓋第4期項目，即君臨天下，補地價約19億元，總投資約55億元，每方呎補地價為1,380元，當年建築成本及地價極低，地產界預計每方呎樓面成本約3,000元。君臨天下04年開始發售，首批30伙以每方呎9,067元推售，即每呎勁賺逾6,000元！
「好多錢未落袋」
恒隆其後惜售君臨天下，直到09年更封盤不作大型發售，當時累積售出約420個，平均呎價1.5萬元，套現約75億，其後每年出售小量單位，目前仍有約230多間貨尾。
另一個勁賺例子，是恒隆2000年以底價25.8億投得的西九龍地，後來建成浪澄灣，全數1,892伙，07年賣600伙及去年賣108伙後，仍囤積1,100個單位，售價由07年每方呎7,000元升至現時過萬元。
市場估計，兩個盤囤貨市值高達200億元。不過有外資分析員認為，在一手樓新例後，新樓成交明顯放緩，若發展商不減價求售，恐怕難以賣樓，「兩個盤喺市區，以陳啟宗睇法，一定唔會減價去賣。」事實上，陳啟宗昨日在業績會上亦表示不會以價換量去推盤，結果「擁抱熊市」恒隆雖然囤貨令賬面大賺，但賣唔出結果仍是冇錢落袋。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24