恒隆地產（101）主席陳啟宗時不時批評分析員唔識貨，舊年就有外資大行分析員話恒隆喺內地嘅商場選址差，俾陳啟宗唔點名公開鬧佢水平低。
噚日陳啟宗又踩分析員，謔稱「好多大行嘅專長係叫人高買低賣」。
大行叫人高買低賣都唔緊要，陳啟宗教大家當大行係明燈，「你咪調轉頭行囉」。之但係，當通街都係燈嘅時候，大家可以點做呢？
不滿估錯恒隆盤數
踩完一腳都未完，陳啟宗又話分析員估錯佢盤數，指坊間證券行普遍預測恒隆地產中期核心盈利跌30%，結果只係跌23%。
【動主播召喚 敢你就來】
立即報名： http://anchor.nextmedia.com