李嘉誠兩個仔澤鉅（Victor）同埋澤楷（Richard），據講感情相當一般，噚日Richard出席2013滬港台青少年IT夏令營開幕典禮後，被問到超人唔開記者會，係咪想部署畀Victor上位，Richard罕有讚Victor，話佢應付公司業務「非常好」，海外嘅反應亦對哥哥嘅表現非常滿意。
無從香港撤資計劃
咁老竇賣百佳，係咪想從香港撤資？Richard話，呢個決定係正常商業交易，海外市場都曾出現更大嘅資產買賣，所以唔覺得有乜嘢咁奇怪。至於佢自己呢？Richard話，自己從來冇從香港撤資計劃，亦都冇咁嘅考慮，佢嘅公司有投資海外，亦會繼續投資香港。
夏令營開幕典禮有60個學生參加，身為北京政協嘅小小超致辭時話自己普通話很差，所以用英文發言，真老實。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24