人人都有個心水睇書角落，但對書迷嚟講，乜嘢地方都可以睇書。民主黨議員涂謹申噚日捐書畀宣明會時，自爆平時會喺廁所睇書，引來全場譁然，阿涂立即補鑊，話捐出嘅書冇喺廁所「品嚐」過，請大家放心選購。阿涂分享睇書心得時，話屋企有幾本「廁所讀物」，主要係短篇故事。
阿涂捐出書籍《與38顆善心齊飛》，書中分享38位空中服務員在世界各地做義工經歷，佢大讚每一篇易睇又感動。八方向阿涂請教廁所書單，佢唔肯透露，只係講屬於短篇故事書，睇睇吓時間好快過。
工聯會陳婉嫻捐出《再給我一天》義賣，嫻姐仲向環境局局長黃錦星抽水，話市民捐多啲書，就可以減輕堆填區負擔喎。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24