繼《迷離夜》後，李碧華系列第二彈《奇幻夜》將於8月8日上映，上次有盧海鵬與邵音音鬧爆「梁震嬰」；今次有息影十多年的尹揚明做「劏房波」。蠟晒頭、戴金絲眼鏡，自稱要「有霸氣」：「佢（謬波）𠵱家笑唔出啦。哈哈哈。」
在這個新聞比娛樂更刁轉瘋狂的年代，李碧華計劃開拍之時遇上劏房波事件，向來在文中重視社會性的李碧華即想到要將劏房波放入劇裏；但一年後波叔又賴嘢，又上頭條，就真係命中注定，監製鄧漢強：「自從97後，大部份香港人都比較關心香港前景，所以相對來講對於政治都好關心同敏感。無論係直接定間接，電影從來都以反映社會現狀來吸引觀眾。」
劉國昌執導的其中一個短篇就講殺校：「個故事在又窄又暗的地方發生，既然現在香港那麼多殺校，就決定放在這樣的環境裏吧。」幾乎每個學校都有其祖傳的鬼故事，橋段不出幾個，但長傳長有。「好似我的小學都說曾有人在座位上吊頸自殺，所有人行過那位置都提心吊膽的，自己嚇自己，但其實都係我們未出世的事。永遠係一代傳一代誇張的傳言。」
記者：陳慧敏 攝影：許有達
【動主播召喚 敢你就來】
立即報名： http://anchor.nextmedia.com