唐宮僭建案明年再提堂，唐唐同唐太暫時應該可以relax吓，據聞佢哋月底又外遊度假。唐太郭妤淺日前雖然承認一項僭建罪，並獲控方撤銷另一項「明知僭建」罪，但佢對部份案情唔同意，尤其係同結構工程師鄧偉就嘅對話內容，因為控方話03年9月1日，鄧偉就曾經喺一個會議上表明，要屋宇署批准先可以建造地庫，鄧偉就聲稱同月9日接到唐太電話，表示「明白你的情況」，仲話如果鄧偉就拒交設計書，會聘用另一位結構工程師。
辯方已向法庭表明，反對呢個證供內容，不接納曾經有講過「明白你的情況」或者有意另聘工程師。次次都陪唐太出庭嘅唐唐認為呢項內容有疑點，與事實不符，必須強烈反對，據知唐唐同唐太都認為有啲案情內容，只係呢名結構工程師一面之詞。
【動主播召喚敢你就來】
立即報名： http://anchor.nextmedia.com