證監會罕有地向法庭申請將中金再生（773）清盤，令到負責核數嘅德勤日日見報咁滯，咁啱恒隆地產（101）董事總經理陳南祿位公子Kelvin都係喺德勤返工。華華噚日問祿哥，會否建議阿仔轉去另一間冇牽涉咁多問題上市公司嘅會計師行工作，祿哥就話仔大仔世界，唔會理佢咁多。
事業由自己話事
「唏，我當年都係自己決定做邊間公司，一做就幾十年。」祿哥咁講其實都好啱，做父母嘅，望都望仔女有主見，咪成日搵父母幫忙，要父母安排晒啦。Kelvin早幾年喺外國大學畢業，喺德勤都做咗幾年，聞說，佢同祿哥餅印一樣，而且同樣係高瘦類型。
【動主播召喚 敢你就來】
立即報名： http://anchor.nextmedia.com