彭浩翔監製、杜汶澤同余文樂演出嘅三級片《飛虎出征》，上映到噚日啱啱一個星期，票房已經去到1,000萬，一班有份演出嘅藝人馬不停蹄去到各戲院謝票。
謝票辛苦就梗㗎啦，有份演出《飛》片飾演飛虎隊、人稱灘叔嘅鄒凱光都有出席，仲喺網誌上面寫話謝票辛苦過拍戲，所以電影公司嘅PR應該做足服侍嘅本份，佢喺網誌話：「基本上PR喺現場就係負責『服侍』，但水準差的PR只會在有要求下才會提供『服侍』，合格的PR會主動提問要否『服侍』，即是舉個例，專業好的PR不會在你開聲說『肚餓』，才識去買嘢食俾（畀）你，亦都不會問你：『肚餓嗎？想食啲咩？』」
被翻舊賬
灘叔呢番說話即時引起唔少電影公關喺網上反擊，叫佢不如帶自己菲傭出嚟，仲有人喺「講鏟片」網站揶揄佢將夜總會同電影公司PR混為一談。仲翻舊賬話佢對夜總會嘅PR認識認真唔少，因為15年前已經執導咗套《PR Girls》電影，有湯盈盈、江希文演出，文章講到：「鄒凱光先生未知是否未能忘懷當年舊作概念，繼而成為是次『服侍』風波的始作俑者呢？」
撰文：馮仁昭
【動主播召喚敢你就來】
立即報名： http://anchor.nextmedia.com