根據慣例，Apple每年總會出一部新電話。近日網上流傳一張疑似新「iPhone 5C」包裝外殼圖片，相信這就是傳說中的「平價版膠Phone」，C stands for「Color」，可能會好似iPod咁色彩豐富。有零件供應商管理層就同海迪講，Apple出得平價電話，如齋把金屬外殼換成塑膠，慳唔到幾多成本，所以Apple今次可能會棄用佢出名高質素、但成本好貴的Retina Display。即係，新膠Phone個mon，很可能無以前的iPhone咁靚。
Apple上季業績倒退，令市場更確定佢嘅光環褪色。其實點只係Apple？就連Samsung、LG甚至係Nokia，今年來股價表現都令人失望。調查機構數據顯示，全球智能電話滲透率達30%，已發展地區高達75%，新興市場只得20%。所以分析員估到咗明年，已發展地區智能電話市場會飽和，加上新機款技術突破越來越少，換機潮會放慢。未來增長空間，自然落在對價格較敏感的新興市場消費者了，電話價格只會越來越低。
iPhone現仍擁有行內最高毛利率，逾40%，但和過去兩年逾50%水平比，已不可同日而語。Apple推出以平價為定位的電話款式，係一直未有創新產品面世前、最有效防禦利潤率被侵蝕的方法。
海迪
【動主播召喚 敢你就來】
立即報名： http://anchor.nextmedia.com