謬波囤地衰到貼地，保皇黨為撐佢惟有面子都唔要。噚日立法會最後一場新界東北發展公聽會，長毛質詢時大鬧謬波用英屬處女島註冊公司做壞事，係「侮辱處女」；跟住輪到大嚿陳偉業鬧謬波做「19局長」，政壇元秋蔣麗芸即「飛身救波」，不停大叫，阻撓大嚿發言，結果休會時俾大嚿贈咗句「發花癲」。雖然元秋想向代主席謝偉銓投訴，但休會期間，投訴都冇用，惟有硬食。
元秋不甘心，會上發言時話全世界反對派都想執政黨落台，勸謬波睇開啲，仲話叫人落台啲人「發癲」。
范國威都有份叫謬波落台，聽到元秋咁講即時投訴，要求元秋收回冒犯言論，不過元秋唔認數，大吵大鬧，謝偉銓見場面失控，匆匆話夠鐘散會，收工！
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24