狼振英今晚請食飯，連泛民政界人士同學者都有份，預料「主菜」都係政改啦。呢餐飯原定喺中環香港會舉行㗎，但近日突然轉去狼英主場禮賓府開餐。
查實飯局地點曝光後，已經有傳媒批評狼英去啲咁高級嘅地方搞飯局，有違官員要簡約嘅作風，唔通因此臨時轉場？八方聽聞特首辦係驚屆時有大批傳媒喺香港會外追訪，影響到其他食客就唔好啦，所以決定轉地方。據知呢個飯局筵開三席，一人一句都已經冇乜時間，加上狼英出名長氣，一開口閒閒哋講十幾廿分鐘，睇怕唔可以深入討論咯。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange