名人效應對一隻股仔有幾大作用？做石油生意嘅長盈集團（689），今年4月搵咗澳門前特首何厚鏵個姪何敬豐（Eric）做非執董，隻股竟然由兩毫炒到上最高0.365元，累升逾80%。長盈噚日宣佈，委任Eric做非執行主席，唔通有人見隻股最近跌落兩毫幾，又想呢個名人效應發揮作用？
Eric今年36歲，雖然屋企大把生意等佢返去搞，但佢就偏偏鍾意外闖，畢業後喺摩根大通做分析員，之後做過投行同律師，後來又搞娛樂公司，𠵱家做埋上市公司主席。
Eric謙稱，喺長盈嘅主要功能係諗計兼做公關，負責跟投行同銀行聯絡；實際嘅石油生意由CEO謝國輝處理，日後都係集中搞呢瓣，佢又預告，好快有新搞作㖭。至於澳門朋友會否支持佢？佢話，如果公司搞得好，自然有人撐啦。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24