現代美容（919）最新年報真係美麗到不行！52歲嘅主席曾裕粉墨登場，影咗10款硬照做封面同內頁大相，計埋裏面講公司過去一年大事嘅細相，曾主席喺呢本年報一共出現27次。
公司蝕錢 加自己人工
上市公司年報除咗詳述公司盤數同發展情況，唔少零售公司都會喺年報宣傳產品，擺宣傳海報或產品靚相，現代美容嘅年報以往亦放上明星代言人或模特兒靚相，曾裕舊年開始做封面，今年呢本直情好似佢嘅寫真集一樣。
曾裕嘅人工加幅同樣令人睇到哇哇聲，雖然現代美容截至今年3月底止全年業績盈轉虧，蝕超過5,300萬元，但曾裕年薪總額1,455萬元，較前年大幅增加96%。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24