好多人知道阿里巴巴創辦人馬雲做過教書先生，但係阿里巴巴旗下有間淘寶大學就未必人人都知。簡單而言，淘寶大學教人點樣利用淘寶平台去賣嘢，最新開畀基金業人士嘅課程，每人收費1.59萬元（人仔．下同）。
收學費兼抽佣金
聞說好多內地基金公司準備喺淘寶賣基金產品，大部份開咗淘寶旗艦店頁面，只係未有產品賣。最快本月底至下月初，可能有首批10間基金公司開始有產品賣。
基金公司冇乜網上賣產品嘅經驗，淘寶大學於是出手，開一系列基礎課程畀佢哋，特訓佢哋利用淘寶賣嘢。分兩階段上堂，一共8日，頭4日教客戶管理、營銷推廣等等，等基金開售之後，再上埋餘下課程。
除咗提供課程可以收錢，淘寶亦會向基金公司抽佣，其中一個講法，係基金公司賣出1億元以下嘅基金，淘寶收取20萬元銷售服務費，賣得多收得多。照咁計，淘寶呢門生意應該幾好搵。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24