《吸血新世紀》系列男星基倫路斯（Kellan Lutz）好鬼大隻，佢亦唔怕騷畀大家睇。佢噚日喺保加利亞拍新片《Hercules 3D》扮大力神赫克力士，佢着住套盔甲直情好似冇着一樣，胸肌同腹肌任睇，之後佢仲同人格劍，不過佢對手就T恤運動褲波鞋現代look上陣，唔通呢套戲學人玩穿越時空情節﹖可能佢真係好鍾意自己身形，佢連收工截車都赤裸上身，下身仲好似無着底褲咁走，十足野人。同佢打對台，喺另外套片一樣係扮赫克力士嘅大隻佬狄維莊遜（Dwayne Johnson）日前喺網上「晒馬」，成班士兵一字排開靠嚇！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！