長實（001）、和黃（013）聽日公佈中期業績，唔搞記者會，大家冇得聽長和系主席李嘉誠就本港政經大事，或者關於集團嘅負面新聞發表評論，既然大老闆唔想見人，同系和電香港（215）即刻做嘢，今日業績記者會改地方，由和記大廈改為北角海逸君綽酒店，應該係避免記者喺和記大廈撞見和黃大班霍建寧，捉住佢唔放啦。
變陣改去君綽酒店
和電香港原定喺和記大廈開業績記者會，霍大班係和電香港主席，雖然佢唔現身記者會，但之前嘅董事會佢一定喺度，記者以前通常喺呢兩個會之間撞見霍大班。和電香港上周三仲話記者會喺和記大廈舉行，噚日就突然改地點，原因係忽然發現冇房喎，唯有去酒店，真係信不信由你。
【動主播召喚 敢你就來】
立即報名： http://anchor.nextmedia.com