梁漢文的太太Karen戰勝癌魔，夫妻齊心打了漂亮勝仗，放下心頭大石的Edmond前晚鬆一鬆，到香港大球場睇英超勁旅曼聯對傑志表演賽。傍晚6時許，Edmond駕寶馬離開干德道寓所往中環整頭，他隨意將座駕泊在門外，約7時有警察抄牌，兩分鐘後Edmond才返回座駕，只是相差這兩分鐘，令他慘食牛肉乾。
記者問Edmond是否睇波？他說：「係呀。」然後揸車跟友人去銅鑼灣，沿途又遇塞車，停車場更全爆，Edmond眼見已近開波時間，惟有叫友人先落車入場，他再違例將座駕泊在渣甸街，問不怕又被抄牌？Edmond無奈說：「冇辦法，就開波趕入場。」他行往大球場時遇到谷德昭，兩人一齊入場。
採訪：朱志聰、李志明
攝影：黃曉程、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！