【多倫多】小小超李澤楷兩年前同梁洛施（Isabella）分手之後，二人各行各路，互不相干，上月Isabella返港見完好友黃秋生、關智斌等人後，又同媽咪過咗澳門探親，兼傳出跟初戀男友Adriano翻撻，生活多姿多采，身為鑽石王老五嘅李澤楷當然唔執輸，原來日前佢飛咗去多倫多會好友，兼有美陪食飯，寧舍開胃！
噚日有讀者報料，話喺多倫多嘅Ja Bistro餐廳見到李澤楷，佢隔籬坐住一位紅衣女郎，雖然一頭黑色披肩長髮，但個樣有啲鬼鬼哋，同上任楷女郎29歲律師、中印混血兒梁芳有啲似樣，不過梁芳就係一頭短髮，幾個月前李澤楷先俾人影到同梁芳喺西貢撐枱腳，估唔到咁快又同第二個女仔約會。
當電燈膽透明
雖然同枱仲有一位四眼男士，不過李澤楷成餐飯都掛住同索女密密傾，不時講到眉飛色舞，仲頭岳岳擺出一副好自信嘅樣㖭！索女亦不時含情脈脈咁望住鑽石王老五，二人完全當同枱嘅四眼電燈膽透明！呢間餐廳提供日式料理，魚生拼盤售價30美元（約240港元），炸軟殼蟹都係15美元（約120港元），價錢唔算太貴，不過侍應招呼好好，小小超呢餐飯確實平靚正。
撰文：林妃
【動主播召喚敢你就來】
立即報名： http://anchor.nextmedia.com