【記者姚國雄報道】提起袁彌明，腦海浮現是靚女、前港姐等關鍵字，「人民力量主席」這新銜頭，是美女率領一眾麻甩佬的有趣畫面。靚女棄娛從政，優勢在哪？「唔令人反感、唔趕客、容易接受、親切啲，起碼會聽我講嘢……」在娛樂圈抗爭不遂，大不了息影；走上街頭、握緊拳頭抗爭，袁彌明說：「我預咗官司纏身、預咗坐監」。
袁彌明首次抗爭，對手是電視巨無霸TVB。維基百科記載：「07年袁彌明公開被TVB解約。她透露被TVB樂易玲強迫簽約，因拒絕簽約而與TVB關係變得惡劣，有指合約內容儼如不平等條約。」往事變成經驗，袁彌明說，TVB極權、一人話事，所以她寧願接受民主選舉洗禮。
棄娛從政 與人為善
擁有美貌，政途是否容易成功爭取？「我其實唔係好靚，亦唔一定吸引咗啲男或者女，我覺得兩邊都吸到，因為女仔有睇開我video（介紹化妝品與政治BB班短片），樣貌對整體知名度有幫助。」袁彌明說，即使靚女，也要說話內容、身體語言配合：「起碼我個樣唔會令人反感，會覺得容易接受，親切啲，唔會好似其他人咁趕客。」黃毓民離開人民力量，人力支持者流失兩三成，袁說有信心能吸引相同數目的支持者回來。
在美國大學經濟系畢業、05年港姐頭五名、做過模特兒、拍電影、經營袁彌明生活百貨、創立選民力量、加入人民力量、參選立法會。33歲的袁彌明，踢爆港姐整容，狠批𡃁模寫真如鹹書、指摘政敵出賣選民，袁彌明說，今後會與為人善，但會堅守立場：「喺娛樂圈，我冇乜學到生存技巧，兩個圈子都係社會大學，我會與人為善，對傳媒關係有待學習，唔好對人力有誤解」。
政圈、娛樂圈，同樣被指「污糟邋遢」。袁彌明認為，自身乾淨，便不會碰到污穢：「娛樂圈污糟係扯皮條，帶你去外遊，但係嗰啲中間人知道我係唔會做，所以冇接觸過我，（在政圈）所以冇人嘗試過收買、賄賂我哋（人力）。」
日後街頭抗爭在所難免，袁彌明指，在警權無限大、制度不開放的香港，預計有天會如梁國雄般官司纏身，甚至身陷囹圄，但她不會後悔從政，直至有普選為止。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24