香港要搞盛事，大球場個草地甩皮甩骨鬧出國際笑話。不過其他盛事陸續有來，好似旅發局個「香港購物王大賽」，今日開始佢哋喺印尼、日本、中國內地、馬來西亞、菲律賓、新加坡等九個地方，各請一位明星訪港，同埋一位香港嘅超級fans，一星一粉絲，兩人一組，分成九隊作賽，要喺指定時間內，完成8個任務，根據指定路線購物、用膳等等。總決賽會根據一張購物清單，要喺1.5小時內，買齊清單所列嘅物品。其中一位獲邀參賽明星係Aaron Mustapha Aziz，佢有馬來西亞湯告魯斯之稱，嚟過香港8次，迪士尼、清真牛肉館佢都好熟路，仲話第日拍戲想同宇宙最強甄子丹合作。另一位參賽韓星李思康係裴勇俊前女友，唔知邊位明星會喺呢個比賽跑出呢？
【動主播召喚敢你就來】
立即報名： http://anchor.nextmedia.com