飛機飛到半空出事，固然係九霄驚魂，估唔到國泰啲飛機未起飛都可以嚇到人半死。有人前晚10點半喺機場見到國泰飛去印度海德拉巴嘅CX649客機，飛機機頭竟然貼住一大塊膠紙，令人懷疑架飛機好似唔多穩陣。飛機有問題，用塊膠紙黐住就算，真係唔驚就假。
之後架機照常上客仲成功起飛。國泰發言人噚日澄清話，架客機嘅機身無任何損毀，機頭塊膠紙其實係一塊鋁質貼，作用係想試驗吓可唔可以減低駕駛艙內嘅噪音水平，試驗亦獲當局批准。
至於鋁質貼有乜咁神奇，竟然可以減噪音？國泰就以涉及技術問題，拒絕解釋。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24