免費報章《都市日報》俾做開飲食業嘅黃浩買咗，隔籬《爽報》勝曉嵐就爆料，話市場傳聞經濟日報（423）有意將創辦兩年嘅免費報章《晴報》放售，除咗強國人，恒基地產（012）二少李家誠都好有興趣咁話。
《經濟日報》否認
李家誠𠵱家同家人外遊，好似話要成個月後先至返，暫時未知佢係咪咁有興趣辦報。不過，如果係嘅話，早排佢應該有份競投《都市日報》，華華聽聞《都市日報》放盤嗰陣，有人問過恒地（012）大少李家傑有冇興趣，對方反應唔大。
唔通轉過頭，有人高價拎2億元出嚟買起《都市日報》，二少又想玩？
勝曉嵐噚日搵《經濟日報》社長麥華章求證，對方就話「冇咁嘅事，點解傳埋啲咁嘅嘢打擊競爭對手？」即管睇睇後事如何。
【動主播召喚 敢你就來】
立即報名： http://anchor.nextmedia.com