霍震霆、賭王何鴻燊兒子何猷君、林建岳等前晚到灣仔會展出席曼聯慈善夜晚宴，陳潔靈和官恩娜（Ella）擔任表演嘉賓。
回港放暑假的何猷君表示鍾意菲爾鍾斯和拿尼，問他會否去外國睇球賽？他說：「喺英國時成日去，唔係，係得閒先去。」何猷君已中學畢業，會否想幫家人處理生意？他說：「媽咪話唔使幫手住，我計劃入大學修經濟，如果有機會幫爹哋梗係好。」何猷君透露回港後有陪爹哋飲茶。
問到何猷君想入讀哪間大學？他稱：「我唔係入牛津，係劍橋，不過遲啲先決定，仲有麻省嘅大學諗緊。」媽咪梁安琪有否給意見？他說：「兩間都係頂尖大學，入到係榮幸，爹哋就傳統啲想我喺英國讀。」何猷君又指女友亦在英國讀書，但不會為此而揀入英國的大學。
Ella：我唔係娜姐
擔任晚宴表演嘉賓的Ella表示曼聯球星中最鍾意傑斯，她又自稱很花心。周秀娜和曼聯的里奧費迪南在網上結緣，現在更合作搞生意，問Ella會否效法？她笑言：「我唔係娜姐，我係娜娜，冇諗住有乜嘢跟進。」
採訪：魯萍
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！