假若投票在芸芸的駕駛技術之中，哪一項令最多人頭痛？好多人會話泊車這一環，不過凡事都有例外。Evelyn今集學車真人騷便學習泊L位，拍攝之前Evelyn只學過一堂泊位，所以不但鐘數不足，泊位難度亦比平常較高，大家都知道在街上學泊位，通常車位已經做了手腳，地上畫上提示標記，當尾轆「蝦鬚」到達標記之上，便扭盡軚盤進入車位，當車身與車位並排時便回軚直入，非常簡單！不過今次Evelyn是首次在沒有標記的正常車位試泊，能否如常泊車嗎？師傅即場教路，平時泊L位時，當自己的車尾到達目標車位旁的車位，約一半至剩餘三分一位置時，開始扭軚進入車位，其後如常一樣修正直接泊入。Evelyn有如聽了「泊車心法」一樣，依照師傅說話慢慢泊，一次完成。得到的評語更加是「Better than nice!」（比好更加好）。
氣勢如虹的Evelyn，繼續將好表現帶到路面駕駛之上。另一項是測試她從小路出大路的反應和行車位置。雖說上回她學Cut線時，表現太過兇狠，但從小路出大路的時機及位置卻絕對適當及準確，做足觀察兩邊交通環境才出車，已經超出學神的水準，今堂內容合格有餘。
文：悠樂長 攝影：陳永威
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange