大球場變大爛場，成為國際笑話，狼英貫徹佢嘅鬼祟作風，噚日靜雞雞走去球場視察，以圖避開傳媒質問，連「I am not commenting on……」呢句都慳番。政府連一個球場嘅保養都搞唔掂，從其管治團隊個個甩甩漏漏可以理解，民望創上任以來新低，變得理所當然。
隨時破位 估值夠平
點解又發牢騷？因為個市實在太悶，埋單跌118點，全日高低波幅200幾點，成交又得番400幾億元。
外圍情況唔算太好，日圓持續攀升，日股怒插468點，A股則受審計署嚴查地方債影響，再度失守2000關。兩大因素夾擊下，港股依然守得住21800點，異常硬淨，唐牛覺得唔使睇得太淡。
大市欠缺方向，從圖表揀股更實際，早前再發盈喜嘅彩星玩具（869），日線圖已走向三角形末端，隨時再破位，現價1.92元可先下一注，突破後再加碼。集團預告，上半年稅前溢利1.9億銀，成功扭虧為盈，假設除稅後賺1.6億銀，現價年度化市盈率僅7倍，極具值博率。
唐牛
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24